Umstøðurnar at súkkla í høvuðsstaðnum skulu nú betrast

Tórshavnar kommuna skrivar, at ætlanin er at stimbra burðardygga ferðslu, sum hevur jaliga ávirkan á heilsuna hjá borgarunum. Tí verða umstøðurnar at súkkla í høvuðsstaðnum betraðar í 2020.

Fyrireikingarnar til at gera betri merking, broytingar í ferðsluni, umframt ymisk forvitnislig súkklutiltøk, har ljós verður varpað á súkkling, eru farnar í gongd.

Kommuna fer í 2020  at seta sjóneykuna á súkkling, har fólk verða eggjað til at súkkla og ganga meira í gerandisdegnum.