Alda Nielsdóttir
Fleiri limir í iransku sendinevndini, sum eftir ætlan skulu luttaka á ST-aðalfundi í vikuni saman við iranska forsetanum, Masoud Pezeshkian hava fingið noktað visum frá USA.
Millum tey, sum hava fingið noktað visum at ferðast inn í USA eru samskiftisfólk hjá forsetanum, skriva iranskir statsmiðlar sambært Ritzau.
Hetta er fyrstu ferð, at ein so tignarligur irani fer til USA, síðan USA og Ísrael fóru undir álop síni á Iran í februar.
Pezeshkian skal eftir ætlan halda røðu á ST-aðalfundinum mikudagin. Við á fundinum verður eisini iranski uttanríkismálaráðharrin, Abbas Araghchi.
Fleiri avmarkingar eru settir fyri partin av iransku sendinevndini, sum er sloppin inn í USA. Eitt nú sleppa sendifólkini ikki at keypa í handlum, og tað er eisini avmarkað, hvar tey kunnu uppihalda seg.
USA hevur skyldu at geva útlendskum diplomatum atgongd til ST-høvuðssætið, men USA sigur, at landið kann nokta at útflýggja visum av orsøkum, sum hava at gera við trygd, yvirgang og uttanríkispolitikk.
Vinarliga broyt tínar kennifíla - og privatlívsstillingar fyri at síggja hetta innihald