Útigudstænasta á ovara vølli í Gundadali 2. hvítusunnudag

Eins og undanfarin ár, skipa kirkjurnar í Suðurstreymi fyri útigudstænastu á ovara vølli 2. hvítusunnudag klokkan 11.

Prestarnir í Suðurstreymi luttaka við lestri, prædiku og bøn, Havnar Hornorkestur og GHM spæla undir til sálmarnar, og søga verður fyri børnunum.

Eftir gudstænastuna eru øll boðin til drekkamunn í Badmintonhøllini. Okkurt gott verður til børnini eisini.