Útlendingur í báti fluttur á sjúkrahúsi

Seinnapartin sást ein tyrla yvir havnarlagnum í Vágsbotni. Hon leitaði eftir einum báti, har ein sjúkur útlendskur maður var umborð.

Viðkomandi hevði boðað  frá, at hann hevði tørv á hjálp, men dugdi ikki at siga, júst hvar hann var staddur.

Ein góð løta gekk, men so eydnaðist tyrluni at finna mannin. Sjúkrabilur var á staðnum og flutti hann á sjúkrahús. 

Hetta váttar vakthavandi á løgreglustøðini og MRCC fyri Kringvarpinum. Tey hava ikki nærri viðmerkingar til støðuna.