Útvarpið gevst við veðurtíðindunum

Veðurtíðindini klokkan 13 vóru lisin í útvarpinum fyri seinastu ferð í dag. Í øllum førum á hesum sinni.

Útvarpsskráin verður frá mánadegnum broytt soleiðis, at veðurtíðindini klokkan 13 ikki longur verða lisin, og eisini verður tíðindasendingin klokkan 14 tikin av skrá.

- Lurtarakanningarnar hjá okkum vísa, at so fá lurta eftir veðurtíðindunum klokkan 13 og tíðindasendingini klokkan 14, sigur Georg L. Petersen, tíðindaleiðari í Kringvarpinum, við útvarpið.

Tíðindaleiðarin ger tó vart við, at veðrið framvegis verður lisið upp sum vant í øllum tíðindasendingunum.