Agnar Prestá
Í nátt komu boðini um, at Hamas og Ísrael bæði hava góðtikið eitt uppskot um friðaravtalu.
Hetta eru góð tíðindi fyri ógvuliga mong og tað mest týðandi fetið móti friði í ógvuliga stríðnum seinastu tvey árini.
USA hevur havt sín leiklut, og seinnapartin skrivar Reuters, at Donald Trump eftir ætlan kemur til Jerusalem sunnudagin.
Hetta er útfrá útsagnum frá forsætissmálaráðnum í Ísrael, sum skal taka ímóti amerikansa forsetanum.
Sí eisini: Trump sat á fundi, tá boðini komu
Tað hevur ginið lutfalsliga skjótt, at fingið eina semju í lag. Fyrsti partur av avtaluni snýr seg um at leyslata gíslarnar úr Gaza og palestinskar fangar í fongslum í Ísrael.
Sambært Shosh Bedrosian, talskvinnu hjá ísrealsku stjórnini, byrjar vápnahvíldin í Gaza í annaðkvøld.
Um alt gongst eru teir tjúgu livandi ísraelsku gíslarnir, sum hava verið undir ræðinum hjá Hamas í tvey ár, aftur í heimlandinum, áðrenn mánadagurin er av. Ísraal fer eisini at lata palestinskar leysar.
Vinarliga broyt tínar kennifíla - og privatlívsstillingar fyri at síggja hetta innihald