Vakthavandi: Løgreglan fer suður í dag at kanna orsøkina til eldin

Seinnapartin í gjár kom eldur í eini hús í Hovi, og enn er ikki greitt, hví eldurin kyknaði í húsunum.

Eldurin var so mikið stórur, at húsini kolaðust upp. Tað gekk tó væl at sløkkja, og klokkan átta í gjárkvøldið var eldurin sløktur.

Vakthavandi á løgreglustøðini sigur, at í dag fara teknikarar hjá løgregluni suður at kanna húsini fyri at royna at finna orsøkina til eldin.