Valkjak um fólkaskúlan

Seinnapartin í dag – kl. 15.15 til 17 – verður almennur valfundur í auluni á Námsvísindadeildini, har fólkaskúlin er evnið.

Føroya Lærarafelag, Námsvísindadeildin og Heim & skúli skipa fyri almenna pallborðsfundinum. Valevni frá øllum flokkum luttaka.

Evni sum verða viðgjørt eru hesi:

• hvat siga valskráirnar um fólkaskúlan
• umstøðurnar hjá læraranum í dagsins fólkaskúla
• Læraraútbúgvingin og eftirútbúgving av lærarum
• Hin góði skúlin, har lærarar og næmingar trívast

Valevnini fáa høvi at greiða frá síni ásjón, og høvi verður at seta spurningar úr salinum.

Til tey, ið ikki fáa møtt á Frælsinum, so verður valfundurin stroymdur: https://www.youtube.com/watch?v=V1eR_NvMhQE