Var ikki extasy men sjóverkstablettir

Tað var síðst í oktober, at tablettir, sum vórðu hildnar at vera extasy-tablettir, vórðu funnar í skúlagarðinum á Sandoyar Meginskúla.

Men nú er greitt, at talan var um sjóverkstablettir. Tað upplýsir Heri Andreassen, leiðari á kanningardeildini hjá løgregluni, fyri útvarpinum.

Tablettirnar vórðu fyrst kannaðar í Føroyum, og sambært tí úrslitinum var talan um extasy. Hetta er tó bara vegleiðandi, og tablettirnar vórðu tó sendar til Danmarkar at kannast nærri.

Har var staðfest, at tað vóru sjóverkstablettir.