Innanlands

Veðrið havt við sær fleiri avlýsingar - men ferðafólkini eru fleiri í ár

Í Vestmanna lata tey væl at ferðafólkatalinum, men útsynningurin hevur órógvað túrarnar í Vestmannabjørgini

Veðrið havt við sær fleiri avlýsingar - men ferðafólkini eru fleiri í ár

(Mynd: Gunnar Skúvadal)

2018-09-21 06:55 Author image
Sverri Egholm

- Tað hevur hilnast væl hóast veðrið í ár hevur verið keðiligt. Vit hava havt 30 avlýsingar, og tað er nokkso nógv.

Tað segði Gunnar Skúvadal, sum var gestur í Nón í gjár. Sendingin í útvarpinum vitjaði í Vestmanna í sambandi við Vestmannadagar, sum eru í hesum døgum.

Gunnar Skúvadal, sum rekur Fjørukrønna og skipar fyri túrum við báti, millum annað í Vestmannabjørgini, greiðir frá, at er tað høgætt og tað er brim í Vestmannabjørgunum, ber til at fara suður gjøgnum Vestmannasund og undir Trøllkonufingur á suðursíðuni á Vágalandinum.

- Men í ár hevur verið nógvur útsynningur, og tað er ein ring ætt allastaðni hjá okkum.

Hann sigur at í fjør avlýstu tey 15 túrar, men alíkavæl eru samanumtikið fleiri ferðafólk í ár enn tey vanliga hava havt.

Hoyr alla sendingina úr Vestmanna her

placeholder
placeholder