Veðrið órógvar SF-skránna: Útlendska høvuðsnavnið í kvøld er framskundað

Broytingar eru gjørdar í skránni fyri Summar Festivalin fríggjakvøldið.

Hesum boðar festivalurin frá. Tað er ivasama veðrið ein part av kvøldinum, sum órógvar upprunaskránna. Serliga ávirkar tað stóra pallin á Vágsbøi:

- Roknað verður við, at eitt skifti seint í kvøld fer at regna illa, og ættin liggur inn á stóra pall á Vágsbøi. Tí verður trupult at hava konsert har ta løtuna. Væntað verður, at regnið fer fram við, og at veðrið verður betri aftaná, skrivar festivalurin í fráboðan nú seinnapartin.

Høvuðsbroytingin í kvøld er, at konsertin við UB40 ft. Ali Campbell á Vágsbøi verður framskundað til kl. 20:30.

Les eisini: UB40-hittini fara at runga

Sí eisini: Myndir: Hóskvøld á Summarfestivalinum

Hetta hevur við sær, at aðrar broytingar mugu gerast . Millum annað er Linda Andrews flutt av stóra palli á Vágsbøi og inn í Tjaldið. Konsert hennara er eisini útsett til 22.30.

Konsertin hjá Ester Skála er eisini útsett hálvan annan tíma, meðan framførslan hjá Herborg Torkilsdóttir er framskundað til klokkan 23.15.

Niðanfyri sæst dagførda skráin fyri Summar Festivalin fríggjakvøldið 8. august:

19.00: Kalas (Torgið)

19.45: Systrarnar á Lakjuni (Tjaldið)

20.30: UB40 ft. Ali Campbell (Vágsbøur)

22.00: Ester Skála (Torgið)

22.30: Linda Andrews (Tjaldið)

23.15: Herborg Torkilsdóttir (Torgið)

00.00: jazzygold (Tjaldið)

01.00: Dynamit (Vágsbøur)

02.15: Grandma's Basement (Tjaldið)

03.00: Swardi (Vágsbøur)

Mynd: Summar Festivalurin

Sí eisini: Festivalfótbóltur í fríggjakvøldshuglagnum í Klaksvík