Veðurstovan: Stórur møguleiki fyri kava á jólum

Tað munnu vera nógv børn og barnsligar sálir, sum ynskja sær eini hvít jól. Og tann dreymurin sær út til at ganga út.

Hanus Kjølbro frá Veðurstovu Føroya, segði í Góðan morgun Føroyar í morgun, at tað nú sær út til at blíva hvítt á jólum.

Á veðurstovuni hevur tað annars verið eitt stórt ivamál um tað fór at blíva kavi á jólum, tí eitt øki við regni nærkast Føroyum sunnaneftir, men í løtuni sær tað ikki út til at tað kemur til Føroya.

Nakað av kava er komin niður í gjár og í nátt, og í dag verður eisini kalt.