Vend í hurðini í Tjaldinum

Nógv sum ætlaðu sær í stóra tjaldið á Summarfestivalinum í kvøld, vóru vend í hurðuni.

Orsakað av vindi eru allar konsertirnar á Vágsbøi avlýstar. Dynamitt er avlýst og verður væntandi leygarkvøldið ístaðin.

Við inngongdirnar var nakað av órógvi í kvøld. Tað er nevniliga einfalt. 5000 fólk sleppa inn í tjaldið og so er fult. Vaktir forðaðu fólkum, sum royndu at sleppa inn, tá Grandmas Basement í stórformi settu lív í regnvátu fjøldina.

Nógv av teimum, sum høvdu ætlað sær at hoyrt Grandmas Basement, vóru vend í hurðini.

Nú er steðgur eina løtu til Swardi spælir klokkan 3.