Verður býtt í dráps- og heimapartar

266 hval løgdu beinini í grindini í Vestmanna í gjár. Fáar tímar seinni var enn ein stór grind funnin á sama stað, út fyri Slættanestanga. Hendan grindin var 180 hval og varð hildin til á Leynasandi.

Seðlarnir frá grindini í Vestmanna eru júst útkomnir. Grindin var 1.600 skinn, sum verður býtt í drápspartar á 1,5 skinn umframt heimapartar.

Heimapartar eru til plássini, sum hoyra til hvalvágna, upplýsir Kringvarpið. Talan er um Norðstreymoyar og Vága sýslur umframt Koltur, Hest og bygdirnar á vestursíðuni av Suðurstreymi.

Í dag verður farið undir merkja grindina, sum doyði á Leynasandi.