Verkfallið av og semja gjørd

Verkfallið hjá Sjúkrarøktarfrøðingunum er av. Semja er gjørd millum Fíggjarmálaráðið og Felagið Føroyskir Sjúkrarøktarfrøðingar.

Hesum boða partarnir frá seinnapartin.

Verkfallið sum hevur vart í næstan tríggjar vikur, er sostatt av, og limirnir fara aftur til arbeiðis.

- Fyri Fíggjarmálaráðið hevði tað sera stóra týdning, at nýggi sáttmálin kundi haldast innan fyri ásetta lønarkarmin á 5,8 prosent. Longdin á sáttmálanum, trý ár og tríggir mánaðir, vísti seg at vera ein háttur loysa verkfalsstøðuna, sigur Fíggjarmálaráðið.

Lønarhækkingarnar í nýggja sáttmalanum eru innan fyri karmin, samstundis sum Felagið Føroyskir Sjúkrarøktarfrøðingar hevur fingu nøkur av sínum krøvum ígjøgnum.

Sáttmálin er fyri tíðarskeiðið frá 1. oktober 2019 til 1. januar 2023.