Vestmannavegurin er stongdur í løtuni

Fyri løtu síðani boðaði Vestmanna kommuna frá, at nakrir bilar standa fastir á Vestmannavegnum og heitti á bilførarar um at at bíða við at koyra, til løgreglan og Landsverk hava fingið rudda vegin.

Sambært vaktleiðaranum á løgreglustøðuni í høvuðsstaðnum er talan um 8 til 10 bilar, ið standa fastir, og tað er serliga nógva jarðrokið, ið er trupulleikin. 

Avgerð er nú tikin um at steingja Vestmannavegin - tað er ikki koyrandi eftir honum í løtuni. Løgreglan boðar frá, at tað er ein sperring í Vestmanna og ein í Kvívík, so at bilar ikki sleppa á vegin.

Tað er ilt at siga, nær tað verður koyrandi aftur. Landsverk er har við einari maskinu, og tað snýr seg eisini um, hvussu veðrið hættar sær næstu løtuna.