Vestmannavegurin stongdur

Vestmannavegurin er stondur í løtuni, og verður heitt á fólk um at halda seg burtur.

Tað boðaði løgreglan frá í dagføring á Facebook fyrr í dag.

Fráboðanin hjá løgregluni er soljóðandi:

– Vegna serligar umstøður er Vestmannavegurin stongdur í løtuni og heitir politiið á óviðkomandi um at halda seg burtur. Politiið hevur ikki fleiri viðmerkingar í løtuni og sagt verður frá, tá koyrandi er aftur.

Dagføring: Vaktleiðarin á løgreglustøðini í Havn sigur, at løgreglan hevur steðgað einum bili við einum persóni í, og viðkomandi vil ikki fara úr bilinum. Vegurin er tí stongdur av trygdarávum. Hví løgreglan vil hava fatur á viðkomandi, sigur løgreglan einki um.