Vesturstova avhendað í dag

Í dag varð Vesturstova formliga avhendað. Eldrasambýlið í Fuglafirði kundi áðrenn út- og umbyggingina av Vesturstovu hýsa 12 búfólkum. Nú kunnu 17 borgarar búgva har, umframt at eitt rúm er til umlætting.

Tað er TN-Bygging, ið hevur havt heildararbeiðstøku, Elcon hevur havt EL arbeiðið, og JHR hevur havt jørð- og kloakk arbeiðið. 

Mynd: Fuglafjarðar kommuna

Vesturstova bleiv avhandað í dag. Sambýli, ið varð liðugt bygt í 1999, hevur fingið fleiri nýggj rúm, so sum starvsfólkarúm, nýggja størri skrivstovu, húsavørðarúm, skolirúm, sjónvarpsstovu, havastovu og ein stóran svala, skrivar Fuglafjarðar kommuna á Facebook-síðu sínari.

Hetta er tann endaliga avhendingin fyri samlaðu byggiverkætlanina viðvíkjandi eldrasambýlinum Vesturstovu, og skrásettir manglar verða gjørdir í næstum.



(Myndir: Fuglafjarðar kommuna)