Video: Sí sjáldsamu mótasýningina á Sverra og Silju Star

Tað man vera rættiliga langt í millum, at mótasýningar verða gjørdar umborð bjargingarbátinum Sverra og Silju Star, sum vanliga siglir vestur undir land, í Vestmannabjørgini.

Men soleiðis var ein góðveðursdag síðst í august, tá hesir báðir bátarnir løgdu seg út fyri Tindhólm, meðan bólkurin Jasmin spældi undir við lagnum Baby Blue.

Pløggini, sum vórðu sýnd fram vóru gjørd til Blue Fashion Challenge í 2017, har millum annað Shisa Brand úr Føroyum luttók.

Mótasýningin varð gjørd í sambandi við norðuratlantisku fiskivinnuráðstevnuna, sum var í Føroyum. Áskoðararnir vóru Høgni Hoydal og aðrir fiskivinnuráðharrar úr Kanada, Evropasamveldinum, Grønlandi, Íslandi, Noregi og Russiska Samveldinum.