Video: Tjaldrið og John Paul de Joria norðanfyri Føroyar

(Upptøka: Captain Paul Watson Foundation UK - Faroe Islands Campaign)

Tað eru 24 tímar síðani skipið hjá Paul Watson, John Paul De Joria, kom í føroyskt sjóøki. Nú liggur skipið norðanfyri Føroyar og heldur seg framvegis uttan fyri 12 fjórðingar.

Høgni Hoydal, landsstýrismaður, hevur givið skipinum forboð at fara inn um 12 fjórðingsmarkið.

Captain Paul Watson Foundation UK - Faroe Islands Campaign hevur á Facebook í kvøld lagt videobrot út, har vaktarskipið Tjaldrið sæst nærhendis.

- Meðan føroyskt vaktarskip er á varðhaldi, eru vit á varðhaldi um nøkur grind skuldi komið, sigur felagsskapurin hjá Paul Watson.

Tjaldrið liggur á 12 fjórðingsmarkinum, vil felagsskapurin vera við. AIS-sendarin hjá Tjaldrinum er sløktur, so til ber ikki at fylgja við hvar skipið siglur.

(Skíggjamynd: Fishin.fo)