Yvir 8.000 kanningar á rað uttan smittu

424 koronakanningar vórðu framdar í Føroyum í gjár. Eftir úrsltiini av teimum er tað greitt, at tað er framvegis eingin føroyingur staðfestur smittaður við koronasmittuni.

Hetta byggir á í alt 14.800 kanningar. Tær seinastu 8.403 kanningarnar, allar síðani 22. apríl hava verið negativar.

187 fólk í Føroyum hava fingið staðfest koronasmittuna. Øll gjørdust frísk aftur. 

Mannagongd viðvíkjandi kanningarúrslitum broytt
Í morgin verður mannagongdin viðvíkjandi kanningarúrslitum broytt.

Nú verða kanningarúrslitini frá landslæknanum kunngjørd á serstakari síðu á heimasíðuni hjá Heilsumálaráðnum, sum verður dagførd dagliga.

Kanningarúrslit verða framvegis kunngjørd skjótast gjørligt, sum hesi eru tøk, skrivar hmr.fo.