– Eg eri demokratiska valevnið

Á valfundi í statinum Michigan í gjár endurtók amerikanski forsetin Joe Biden enn einaferð, at hann ætlar at halda fram í forsetavalstríðnum.

– Eg eri valevnið hjá demokratiska flokkinum, og tann einasti demokraturin ella republikanarin, sum hevur vunnið á Donald Trump - og eg fari at vinná á honum aftur, segði Biden.

Síðan orðaskiftið millum Biden og Trump 27. juni hava fleiri demokratar og demokratiskir stuðlar heitt á amerikanska forsetan um at fara úr valstríðnum.

Sambært DR hava 19 demokratar í Kongressini higartil boðað frá, at teir ynskja sær eitt annað valevni enn Biden, og fleiri fíggjarligir stuðlar hjá flokkinum hava eisini tikið stuðulin aftur.

Les eisini: Blandaði Donald Trump og Kamilu Harris