- Vit flyta Suðuroynna norðureftir

Hann sigur, at grótið, sum bæði er hart og gott, verður knúst og nýtt til asfaltering.

- Jú, tað er gróthørð sigling, at flyta Suðuroynna norðureftir, sigur Jonhard og flennir so hart, at tað hoyrist nærum um alt skipið.

Sjómanstrúboðarin vitjaði umborð í vikuni. Tíð var bæði til prát, drekka, bíbliuorð og bøn.

Tá vitjanin nærum var av, bjóðaði kokkurin til døgurða og tað vóru so mikið nógvir hønsnarungar í ovninum, at trúboðarin var bjóðaður at eta saman við manningini.

Seks mans eru við Havfrakt og teir eru umborð í seks vikur og so heima í seks vikur.