1 árs fongsulsrevsing fyri at smugla kokain til Føroya

Føroya Politi: Føroya Rættur hevur í dag dømt eina 31 ára gamla kvinnu 1 árs treytaleysa fongsulsrevsing fyri at smugla kokain til Føroya.

Kvinnan, ið er donsk, kom til Føroya við flogfari tann 5. mai 2023. Hon hevði uml. 100 gram av kokaini á sær, tá hon bleiv steðgað av tollarunum á flogvøllinum. Kvinnan bleiv handtikin av løgregluni og síðani framstillaði ákæruvaldið hana í grundlógaravhoyring í Føroya Rætti, har hon bleiv varðhaldsfongslað til í dag, tá málið varð viðgjørt í Føroya Rætti.

Kvinnan játtaði seg seka. Ákæruvaldið metti, at hon skuldi hava minst 1 árs fongsulsrevsing. Hesum tók Føroya Rættur undir við.

Kvinnan tók við dóminum, sum hon skal sita beinanvegin.