105 ár liðin síðani Norðlýsið kom út á fyrsta sinni

16. apríl í 1915 kom Norðlýsið út fyri fyrstu ferð. 

Fyri fimm árum síðani, í 2015, varð nógv gjørt burturúr, tá lokalblaðið í Norðuroyggjum fylti 100 ár. 105-ára dagurin verður ikki hildin vegna korona smittuvandan, skrivar Norðlýsið á heimasíðu sínari, nordlysid.fo.

Blaðið kemur út einaferð um vikuna.

Jóhann Lützen er stjóri á Norðlýsinum og eigur tað saman við Jóannis Skorheim. Teir keyptu tað frá Olivur og Elsu Joensen í 2017.

Olivur Joensen hevur verið partur av Norðlýsinum í yvir 40 ár og er framvegis blaðstjóri. Sonur hansara, John William Joensen, hevur eisini verið knýttur at Norðlýsinum leingi. Hann er blaðmaður og prentari.