123 hvalir løgdu beinini í Hvannasundi í gjár

Tilsamans 123 hvalir løgdu beinini í Hvannasundi í gjárkvøldið, og tað bleiv til 940 skinn, upplýsir Jens Jensen, sýslumaður í Norðoyggjum.

Nakrir hvalir vóru tó vrak og høvdu svullir, so teir vóru tiknir frá. Talan var um einar 15 hvalir.

Seðlarnir komu út í morgun, og grindin verður býtt í drápspartar, og heimapartar til økið eystan Múla, umframt Kalsoy og Kunoy, sigur Jens Jensen.

330 fólk luttóku í grindadrápinum, og fáa tey eitt skinn í part. 449 skinn vóru til heimapartar. Heimapartarnir eru 0,35 skinn.