149 fólk bíða eftir bústaði frá Almannaverkinum

Stórur bíðilisti er eftir bústøðum frá Almannaverkinum. 149 fólk standa á bíðilistanum.

Eyðgunn Samuelsen, landsstýriskvinna, hevur svarað Sonju Jógvansdóttir, tingkvinnu, um støðuna, har fleiri fólk bíða eftir einum staði at búgva í hjá Almannaverkinum.

Av teimum 149 fólkunum, sum standa á bíðilista, hava 21 teirra tó bústað hjá Almannaverkinum frammanundan, men ynskja at flyta í annan bústað hjá Almannaverkinum, veit Kringvarpið at siga.

Eyðgunn Samuelsen segði í svarinum til Sonju Jógvansdóttir, at seinastu fýra árini eru 62 búpláss og 18 umlættingarpláss gjørd.

Almannaverkið ætlar eisini at leiga frá privatum veitarum, sum byggir og innrættar bústaðir.