21 hava søkt stjórastarvið hjá Vørn

Fyri einum mánaði siðani gjørdist greitt, at Elmar Højgaard fer at gevast í starvinum sum stjóri hjá Vørn. Hann gjørdist stjóri á Fiskiveiðueftirlitinum í 1997, og forstjóri á Vørn í 2013, tá Fiskiveeiðueftirlitið legði saman við Tilbúgvingarstovninum og MRCC/Tórshavn Radio .

Fríggjadagin var umsóknafreistin út, og Kringvarpið veit í dag at siga, at 21 fólk hava søkt stjórastarvið. Talan er um 17 menn og fýra kvinnur 

Elmar Højgaard er 70 ára gamal, og verður stjóri hjá Vørn, til nýggi stjórin tekur við.