230 russiskir og ukrainskir krígsfangar leyslatnir

Í gjár vórðu 230 krígsfangar leyslatnir í fangabýti millum Russland og Ukraina - 115 úr hvørjum landi.

Tað vátta bæði ukrainski forsetin, Volodymyr Zelenskyj og russiska verjumálaráðið sambært Ritzau.

Tað eru Sameindu Arabisku Emiratini, sum hava staðið á odda fyri samráðingunum um fangabýtið.

Hetta er fyrsta fangabýtið millum Ukraina og Russland, síðan ukrainskar herdeildir fóru inn í Russland í august. Tó hava fleiri fangabýti verið millum londini undir krígnum.

Hetta er sjeynda fangabýtið millum Russland og Ukraina síðan 2022, sum Sameindu Arabisku Emiratini hava verið við til at gera avtalu um.