50 dansarar eksperimentera í summar

DansiEksperimentið er ein árlig verkætlan og dansiskeið á Føroya Fólkaháskúla, ið savnar føroyskar yrkis- og áhugadansarar.

Saman við dugnaligum koreografum og í samspæli við aðrar listagreinar, skipa og skapa tey eina dygdargóða dansiframsýning, sum í ár verður framsýnd í Norðurlandahúsinum. 

Umframt føroysku dansararnar, hava tey fingið gestir bæði úr USA, Kanada, Norra og Danmark, og kunnu áskoðararnir vænta eina spennandi og fjølbroytta skrá tann 24. og 25. juli.