55.000 IS-stríðsfólk og familjur teirra afturhildin

55.000 stríðsfólk fyri Islamiska Statin og familjur teirra verða í løtuni afturhildin í Sýria og Irak. Og hesi eiga at verða send heimaftur, uttan so at tey verða rættarsøkt.

Hetta sigur hásendiharri hjá Sameindu Tjóðum í mannarættindamálum, Michelle Bachelet, sambært Reuters.

Samstundis sum Bachelet mælir til at hesi fólkini verða send heim, hevur Avstralia tikið stig til at børnini hjá dripnum IS-stríðsfólkum sleppa heim. Higartil eru átta børn, sum vóru í flóttafólkalegu í Sýria, heintaði. Børnini verða væntandi skjótt aftur í Avstralia.

Forsætisráðharrin í Avstralia, Scott Morrison, sigur at børnini eiga ikki at verða revsaði fyri brotsgerðirnar hjá foreldrunum.