70.000 krónur til Mykinesar

Helga Lauritsen í Mykinesi fær uttan iva eitt gott vikuskifti. Hon vann sær í kvøld 70.000 skattafríar krónur í Gekkinum.

Mykinesbúgvin ringdi inn við fullari plátu, og fekk møguleikan at vinna tær 200.000 krónurnar, sum í kvøld vóru uppá spæl.

Hon valdi at deila upphæddina út á teir tríggjar leyparnar, og vinningurin gjørdist harvið 70.000 krónur. Og longu í fyrsta snari eydnaðist at raka ein leyp.

Tá lendi Helga Lauritsen á gula leypinum og vann 70.000 krónur.

- Eg gangi út frá, at tú ikki heldur fram, segði verturin Magnus Magnussen skemtandi.

Eitt langt “nei” ljóðaði úr hinum endanum. Deiligt. Hetta var bara óført, legði Helga afturat.