Ætla at reka lítla grind á Hvannasund

Fyri umleið hálvum tíma síðani varð ein grind funnin í Svínoyarfirði.

Talan er um eina lítla grind, og ætlanin er at reka hana á Hvannasund, sigur Jacob Vestergaard, sýslumaður við Portalin.

Sýslumaðurin hevur í sambandi við grindina lýst grindaøki at vera ein fjórðing í allar ættir. At grindaøki er lýst merkir, at óviðkomandi onga atgongd hava, meðan grindin verður rikin og hildin til.

Løgreglan skrivar í fráboðan á Facebook, at tunnlarnir norður um fjall eru stongdir, og ferðslan verður stýrd av løgregluni sunnan fyri Árnafjarðartunnilin.

Dagførd kl. 14.21