Ætla at útstykkja 7 grundstykki í Æðuvík

Áhugin fyri at seta seg niður í Æðuvík er vaksandi, og fyri kortum seldi Runavíkar kommuna tað seinasta tøka grundøki til sethús, sum var á hennara hondum.

Samsvarandi vaksandi áhuganum, fyri at seta seg niður í bygdini, hevur kommunan virkað við málinum í eina tíð, og í fyrstu atløgu er ein skipanarætlan um víðkan av Lítlatúni tikin framaftur - við 7 grundstykkjum eyturyvir úr verandi býlingi.

Málið er viðgjørt í Byggi- & býarskipanarnevndini í Runavíkar kommunu, og hóskvøldið hin 31. januar 2019 samtykti Runavíkar býráð at farast skal undir at neyvælta, soleiðis, at arbeiðið kann bjóðast út, skrivar kommunan. Kommunan eigur høgliga lendið, har ið ætlanin er at stykkja hesi 7 grundøkini út í Æðuvík.