Aftur ein sending við koppingarevni

Meira koppingarevni kemur til landið í vikuni, og nú er latið upp fyri fleiri tíðum.

Sjúkrahúsverkið væntar at fáa 6.800 skamtir av koppingarevninum Pfizer/BioNTech seinni í vikuni. Knapt 3.000 av hesum fara til annað prik. Tað merkir at á leið 4.000 fólk nú hava møguleika at bíleggja sær tíð til koppseting næstu tíðina, sigur Sjúkrahúsverkið.

Tað ganga einar tvær vikur ímillum sendingarnar av koppingarevni.