Alarmurin var falskur

Um tvey-tíðina í nátt fór brandalarmurin í gongd á stóru smoltstøðini hjá Bakkafrost í Dølum, sunnanvert Viðareiði.

Øll tøk sløkkiliðsakfør í Norðoyggjum vórðu send avstað, men dað vísti seg skjótt, at talan helst var um eitt tekniskt brek í alarmskipanini.

- Men tað tók eina løtu áðrenn alarmurin varð avblástur. Talan er um ein sera stóran bygning, og tað tekur eina løtu at koma ígjøgnum allan bygningin fyri at staðfesta fyri vissu, at ongin eldur er í, sigur vakthavandi á politistøðini.