Allir vegir í Skúvoy skifta navn

Í 2008 fingu vegirnir í Skúvoy gøtunøvn og húsini adressur, og Skúvoyar kommuna hevur nú avgjørt at broyta gøtunøvnini á øllum vegum í bygdini.

Umhvørvisstovan hevur góðkent og skrásett nýggju nøvnini, sum hava røtur í føroyingasøguni, í landsadressuskránni og tey síggjast nú á føroyakort.fo, skrivar Umhvørvisstovan.

Nýggju nøvnini eru hesi:

• Kirkjuvegur verður til Sigmundarvegur
• Bakkavegur verður til Brestisvegur
• Garðavegur verður til Tórugøta
• Fløttavegur verður til Turiðargøta
• Skúlavegur verður til Einarsvegur
• Handskavegur (Norður) verður til Tórisvegur
• Handskavegur (Suður) verður til Beinisvegur