Almenn samkoma um nýggju svimjihøllina í Gundadali í dag

Í dag mikudagin 19. desember kl. 15.45 verður markering í Svimjihøllini í Gundadali í sambandi við at Tórshavnar kommuna og Sp/f SNA arkitektar skriva undir ráðgevarasáttmála um projektering av einum langhyli í Gundadali.

Projekteringin tekur ætlandi eitt ár. Verkætlanin fevnir um ein langhyl, ið er 25 metrar breiður, umframt ein innandura og ein uttandura terapi- ella heitvatnshyl, ið er egnaður til vælveru, linna og undirvísing, skrivar Tórshavnar kommuna.

Á tiltakinum fer borgarstjórin at halda røðu, umframt at umboð fyri Svimjisamband Føroya og Havnar Svimjifelag bera fram eina heilsan. Eisini verður møguligt at síggja modellið og tekningarnar av verkætlanini.