Alda Nielsdóttir
Russland hevur nú boðað frá, at mannarættindafelagsskapurin Amnesty International verður flokkaður sum ein "óynsktur felagsskapur".
Amnesty varð stovnaður í 1961 og stendur á odda fyri altjóða mannarættindaátøk.
Amnesty hevur m.a. funnist at Russlandi fyri kríggið í Ukraina, fyri at avmarka talifrælsið, og fyri at forfylgja m.a. samkyndum.
Russland leggur høvuðsdeildina hjá Amnesty í London undir at vera ein "depil fyri fyrireiking av altjóða russofobiskum verkætlanum, sum eru fíggjaðar av samsekum hjá Kyiv-stýrinum", skrivar Ritzau.
Russland heldur, at endamálið hjá Amnesty er at avbyrgja Russland politiskt og búskaparliga.
Seinastu árini hevur Russland bannað fleiri øðrum felagsskapum. Felagsskapir, sum verða flokkaðir sum óynsktir í Russlandi, fáa forboð móti at virka í landinum. Sambært tíðindastovuni AP eru í løtuni 223 felagsskapir, sum eru óynsktir í Russlandi.
Vinarliga broyt tínar kennifíla - og privatlívsstillingar fyri at síggja hetta innihald