Annfinnur Garðalíð fer næsta ár undir sítt níggjundi ár sum formaður í Føroya Skipara- og navigatørfelag. Hetta er greitt eftir ársaðalfundin, sum var í gjár á Hotel Hilton Garden Inn.
Maðurin av Skálafjørðinum varð fyrstu ferð valdur í sessin fyri júst átta árum síðani - 29. desember 2014.
Øll hesi árini hevur Elias Zachariassen verið næstformaður - hann varð eisini afturvaldur í gjár.
Kringvarpið skrivar, at á ársaðalfundinum stóðu seks nevndarlimir í ár fyri vali. Nevndin telur 11 fólk.
- Fýra nýggja andlit eru nú at síggja í nevndini. Tey eru Ingi Kjærlokk, Martin í Grund, Arnfinn Hansen og Jónsvein Lyngvej Poulsen, skrivar kvf.fo.
Í samrøðu við Kringvarpið í gjárkvøldið kom royndi formaðurin millum annað inn á útskotnu sáttmálasamráðingarnar, ið eru fyri framman, umframt møguleikan fyri styttri arbeiðsviku og hvat hann sær sum jaligt og neiligt við teimum ætlanunum.
Vinarliga broyt tínar kennifíla - og privatlívsstillingar fyri at síggja hetta innihald