Alda Nielsdóttir
Í farnu viku varð boðað frá, at Rógvi Egilstoft, sum hevur verið í barsilsfarloyvi síðan 1. februar, ikki kemur aftur í borgarstjórasessin.
Meðan Rógvi Egilstoft hevur verið í barsilsfarloyvi, hevur Annsy Høghamar verið virkandi borgarstjóri, og á bygdaráðsfundi í dag varð einmælt samtykt, at verandi bygdarráð heldur fram við Annsy Høghamar sum borgarstjóra.
Les eisini: Rógvi Egilstoft fer ikki aftur í borgarstjórasessin
Rógvi Egilstoft hevur longt farloyvið til 1. desember í 2024, og tí heldur Annsy Høghamar fram í sessinum valskeiðið út, skrivar Eiðis kommuna.
Í bygdaráðnum eru: Annsy Høghamar, borgarstjóri; Tonny S. Kruse, varaborgarstjóri; Tummas Súni Joensen; Kristian Martin Juul; Tove Kruse Sørensen; Fríða Jóinsdóttir Joensen; og Rógvi Egilstoft.
Vinarliga broyt tínar kennifíla - og privatlívsstillingar fyri at síggja hetta innihald