Uttanlands

Apple setur nýtt met á keypsskálanum

Apple er tætt við at runda 1000 milliardir dollarar í virði

Mynd: EPA

Mynd: EPA

2018-08-01 20:27 Author image
Regin Winther Poulsen
placeholder

Tá keypsskálin í dag opnar í New York, hækkar virðið á partabrævinum hjá Apple við 4,7 prosentum. Tað er nýtt met fyri fyritøkuna. Tá keypsskálin opnar, er virðið á partabrævinum 199,26 amerikanskar dollarar. 

Virðið á partabrævinum er hækkað 17,5 prosent í ár. Sambært TV2 er orsøkin, at fyritøkan hevur havt eina serliga góða sølu í øðrum ársfjórðingi í ár og at tað væntast at sølan av Iphone X og Iphone 8 verður góð í triðja ársfjórðingi. Samstundis verður roknað við, at fyritøkan fer at kunngerða nýggjar snildfonir í septembur. 

Um partabrævið heldur fram við at hækka rakar tað skjótt 206,49 dollarar, og tá verður fyritøkan verd 1000 milliardir amerikanskar dollarar, sum svarar til 6734 milliardir danskar krónur. 

 

placeholder
placeholder