Arbeiðsloysið minkað nógv í øllum sýslum

Í øllum sýslum er arbeiðsloysið minkað hetta 12-mánaðar skeiðið. Størsta minkingin er í Eysturoy niður í ein triðing og í Norðoyggjum og Suðuroy niður í minni enn eina helvt. Munurin er nú ikki so stórur millum Suðuroy og hini økini.

Javnt minst er arbeiðsloysið í Norðoyggjum og Eysturoy við 0,7%, síðani í Norðstreymi við 1,0%, Vágum við 1,1%, Sandoyar øki við 1,3%, Suðurstreymoyar øki við 1,4% og Suðuroy við 2,0%.

Lægsta arbeiðsloysið yvirhøvur er hjá monnum í Eysturoy við 0,5%. Tað hægsta er hjá kvinnum í Suðuroy við 2,6%.

Verður hugt nøkur  ár aftureftir er arbeiðsloysið sum heild minkað sera nógv. Tó hevur fallið verið ójavnt í ymisku sýslunum og sveiggjandi. Suðuroyar sýsla er tó í eini serstøðu, har tað hava verið ógvislig sveiggj í arbeiðsloysinum, samstundis sum tað hevur ligið langt oman fyri støðuna í landinum annars, men nú er tann munurin minkaður nógv.

2019