Articon: 500 dagar uttan óhapp

Tað er ikki langt síðani, at tað varð grillað á byggiplássinum á Sundi har nýggja Sundsverkið hjá SEV verður bygt. Hetta var í sambandi við, at tað hevði verið arbeitt í yvir 400 dagar uttan skaða við fráveru. 

Hósdagin í síðstu viku hevði Articon aftur hátíðarhald á plássinum, tí nú eru 500 dagar farnir uttan skaða við fráveru.

Dagurin var hátíðarhildin við kaku til øll starvsfólkini á plássinum.

- Slíkt kemur ikki av ongum, tí hetta krevur millum annað, at arbeiðið verður lagt væl til rættis umframt eina góða trygdarmentan í felagnum, skrivar Articon á heimasíðuni.