Assange fyri rættin í dag

Stovnarin av Wikileaks, Julian Assange, skal í dag umvegis videoleinkju fyri rættin í dag.

Julian Assange fer at berjast ímóti at verða útflýggjaður til USA. USA bað mikudagin um at fáa Assange útflýggjaðan.

Amerikanarar ætla sambært altjóða tíðindastovuni AP at rættarsøkja Assange eftir at hann avdúkaði loynilig skjøl og brotsverk hjá amerikanska herinum í krígnum í Irak og Afganistan.