Bara tvey positiv eftir

Ein persónur er staðfestur frískur aftur síðani í gjár, og eingin er staðfestur positivur. Sostatt er talið á positivum tilburðum í Føroyum í løtuni komið niður á tvey.

Tilsamans 500 fólk hava fingið staðfest positiv við covid-19 meðan 498 persónar eru blivin staðfest frísk aftur.

570 kanningar vórðu gjørdar, og síðani í vár eru 165.364 koronakanningar gjørdar.

Í løtuni eru 10 persónar í sóttarhaldi, og eingin er innlagdur á sjúkrahúsi fyri covid-19.