Agnar Prestá
Hósdagin 20. apríl klokkan 13 føroyska tíð verjir Bárður Joensen ph.d.-ritgerð sína við Danmarks Tekniske Universitet., Department of Civil & Mechanical Engineering.
Hesum boðar Fróðskaparsetur Føroya frá.
Ritgerðin kallast "Wave energy conversion in the Faroe Islands", og Bárður Joensen hevur arbeitt við granskingarverkætlanini á LBF og á DTU, har hann hevur verið innskrivaður til ph.d.-lestur. Eisini hevur hann samstarvað við Náttúruvísindadeildina á Fróðskaparsetrinum.
- Talan er um eina vinnu-ph.d.-verkætlan, sum Granskingarráðið hevur stuðlað við fígging frá Minningargrunninum fyri Dánjal Niclasen.
Verjan verður á DTU í Lyngby í bygningi 303A, Auditorium 4 1. Eisini verður verjan stroymd á Zoom.
Høvuðsvegleiðari hevur verið Harry B. Bingham, professari. Hjávegleiðarar hava verið Bárdur A. Niclasen, lektari á Náttúruvísidnadeildini - seinni leiðari á Veðurstovu Føroya - og Jan Odmarsson, leiðandi verkfrøðingur á LBF.
Í metingarnevndini eru Yanlin Shao, lektari á DTU Construct, Claes Eskilsson, lektari á Aalborg Universitet, Guillaume Ducrozet, lektari á Ecole Centrale de Nantes í Fraklandi og formaður fyri verjuna er Robert Read, seniorgranskari á DTU Construct.
Vinarliga broyt tínar kennifíla - og privatlívsstillingar fyri at síggja hetta innihald