Bátar hjá Brimli reka grindina

Fyri løtu síðani var grind funnin út fyri Mykinesbygd, og í løtuni liggja tveir smáir bátar hjá Brimli hjá grindini.

Grindin gongur eystur eftir, so verður hon hildin til, verður tað í Bø, sigur Finnbogi Midjord, sýslumaður, sum var á veg vestur, tá vit fingu orðið á hann fyri lítlari løtu síðani.

Boðini eru farin út, so helst eru fleiri bátar ávegis út, upplýsir sýslumaðurin. Grindin er í løtuni tveir fjórðingar út landi, og veðrið er gott.