Bátastevnan longu byrjað

Bátastevnan í Vestmanna er um vikuskiftið, men sum vant varð longu byrjað í kvøld, hóskvøld.

Vestmenningar hava gjørt klárt seinastu dagarnar. Brúgvar eru settar upp til bátarnar og stórt tjald og stórur pallur eru sett upp.

Fleiri bátar eru longu komnir til Vestmannar og enn fleiri koma í morgin.

Veðrið hevur verið frálíkt í dag, og í morgin verður eisini heilt hampiligt veður. Leygardagin boða veðurstovurnar frá nakað av regni, men í løtuni siga forsagnirnar, at tað verður turt meðan bátarnir sigla inn seinnapartin.