Báturin hjá kvøldskúlanum í Havn flotaður

Mikudagin varð báturin, sum er smíðaður á Tórshavnar kvøldskúla, flotaður í Álakeri.

Áhugin fyri bátasmíði er stórur, og tað merkir kvøldskúlin, sum nú hevur latið fimta føroyska bátin úr hondum. Sætti báturin er longu í gerð, skrivar Tórshavnar kommuna.

Báturin verður seinni vinningur á lutaseðli hjá Kiwanis.

Elsa Berg, borgarstjóri í Tórshavnar kommunu, var róðurskvinna á fyrsta túrinum hjá nýggja bátinum.

Røðan, sum borgarstjórin helt mikudagin, kann lesast her.